Lubhalwe nguBuziwe Nocuze
- Amaphoyisa ashaqe umthwalo wezimbaza ezingabiza u-R7-million eWellington abopha amadoda amabili ngemuva kokuthola lezi zilwane zasolwandle ezingekho emthethweni elolini nasemotweni.
- Abasolwa bazovela eNkantolo yeMantshi yaseWellington maduze.
Umkhankaso wamaphoyisa esifundazweni sase-Western Cape usuthole inzuzo engaphezu kwethani lwezimbaza ezingabiza u-R7 million eWellington, abasolwa ababili bagcinwe esitokisini.
Okhulumela amaphoyisa uSergeant Wesley Twigg uthe amaphoyisa ophiko lwe-Kuilsrivier Stock Theft and Endangered Species asebenzisane noMnyango Wezamahlathi, Izinhlanzi kanye nophiko oluphenya ngeMvelo ngemuva kokuncinzwa indlebe ngeloli elithwele izimbaza eliya eGauteng.
Ithimba lithole iloli endaweni yezimboni yaseWellington.
“Liseshiwe iloli, kwatholakala izimbaza ezinesisindo esingu-567.40kg, ebezifihlwe ezikhwameni ezimnyama,” kusho uTwigg.
Babe sebethola imoto yohlobo lwe-Volkswagen Caddy eduzane ithwele omunye umthwalo wezimbaza ezingu-463.89kg ngaphakathi.
Abasolwa bazovela eNkantolo yeMantshi yaseWellington maduze.
Esithombeni esingenhla: Kuboshwe amadoda amabili ngokutholakala nezimbaza ezingabiza u-R7 million.
Umthombo Wesithombe: Sithunyelwe.