Toby Shapshak
Ngesikhathi isikhulu se-Bosasa u-Angelo Agrizzi etshela iKhomishini kaZondo ukuthi wabona umphathi wakhe uGavin Watson enikeza uDudu Myeni isikhwama esigcwele u-R300 000, lowo owayenguSihlalo we-SAA wakuphika lokho.
UMyeni, ophinde abe umphathi wenhlangano iZuma Foundation, uphinde wabatshela kuphenyo lwenkohlakalo ukuthi “zonke izimali ezitholwe inhlangano iJacob G Zuma Foundation bezidluliswa ngama-electronic transfer hhayi ngokheshi”.
Ngenxa yalesi sizathu, uthe isikhwama semali asikaze sibe khona.
Kodwa abaphenyi bekhomishini baziqinisekisile izinsolo zika-Agrizzi. Balandelela ama-slip emali efakiwe amaningi ayenesiginisha efana kakhulu nekaMyeni.
UZondo uphakamise ukuthi uMyeni kumele aphenywe enkohlakalweni yezimboni eyenziwa i-Bosasa.
Kusukela ngonyaka ka-2000 kuya kunyaka ka-2016 inkampani yokuphatha izikhungo yazuza amathenda kaHulumeni abiza u-R2.3 billion – ikakhulukazi emnyangweni wamajele.
Umbiko kaZondo uhlawumbisela ukuthi wakhokha imali engu-R75 million kosopolitiki, izikhulu zikahulumeni kanye nabalungisi abafana noMyeni, njengoba u-Agrizzi waveza ukuthi wanikezwa isikhwama se-Louis Vuitton esasinemali engu-R300 000.
Obunye ubufakazi buka-Agrizzi, owayeyisikhulu esiphezulu kwa-Bosasa, nabo bafakazelwa ikhomishini, okuhlanganisa nobufakazi obuyingozi kakhulu.
U-Agrizzi wethule izithombe zamakhasi edokodo lamaphoyisa abeyingxenye yophenyo loKlebe kwa-Bosasa – okwathi ngokuhamba kwesikhathi kwaqinisekiswa ukuthi lilahlekile kubika i-NPA.
“Incwadi efungelwe ka-Agrizzi ikhuluma ngobunye ubusuku angakhumbuli ukuthi kwakuyiluphi usuku lapho uWatson amcela ukuthi ahambele umhlangano noMyeni mayelana nolwazi ngophenyo loKlebe kanye nezingxoxo abe nazo ne-NPA,” ifundeka kanjalo ingxenye yesithathu yombiko kaZondo.
Ngaphambi komhlangano, umbiko uthi uWatson walungisa imali engukheshi engu-R300 000.
“Ngalo mhlangano uMyeni waveza ukuthi ubezama ukuhlela ukuthi uphenyo loKlebe luqedwe. Wakhipha idokodo lamaphoyisa okwakuthiwa litholwe i-NPA futhi wagcizelela u-Agrizzi ukuthi wayengakwazi ukwenza amakhophi.”
UWatson wamtshela ukuthi icala kumele liphele livalwe. Impela uphenyo lwamiswa.
U-Agrizzi wakhipha amakhasi wawathwebula kukhaphethi ohlukile.
Umphenyi kaZondo, uFrank Dutton, owashona ngonyaka odlule, wakuqinisekisa lokhu ukuthi izithombe zithathwe kwiukhaphethi. Kutholwe incwadi efungelwe kumphathi wehhotela ephinde yaqinisekisa ukuhlala kwakhe.
.
