Timmy T Maranda
I-Kaizer Chiefs igcine isibuyele ukuba ngabanqobi kulandela ukunqoba ngamagoli amabili eqandeni ibhekene ne-Peter Atletico yase-Angola kowe-CAF Champions League ngoMgqibelo ebusuku.
Amagoli omdlali wasemuva u-Eric Mathoho noHappy Mashiane abenele ukuthi i-Chiefs igcine ngokunqoba ngemuva kwemidlalo yayo eyisishiyagalombili inganqobi kuyo yonke imiqhudelwano.
Ukunqoba enkundleni yezemidlalo i-FNB akhuphulele Amakhosi endaweni yesithathu, ngamaphuzu alinganayo amane ne-Horoya endaweni yesibili ku-Group C. Lokhu kulandela ukuthi i-Chiefs iqophe ukudlala ngokulingana, ihlulwa futhi yanqoba emidlalweni emithathu eyidlalile.
I-Kaizer Chiefs igcine ukuqopha ukunqoba ibhekene ne-Tshakhuma Tsha Madzivhandila (i-TTM) kwi-DStv Premiership ngoMasingana.
Yize belahlekelwe abadlali abamqoka ngenxa yokulimala, i-Chiefs igaye imiphumela ngaphandle kwabadlali abathathu abahlaselayo uSamir Nurkovic, uKhama Billiat noLeonardo Castro.
I-Chiefs iphinde yamkhumbula ukaputeni uRamahlwe Mphahlele ngenxa yokumiswa, ngenkathi u-Itumeleng Khune noKgotso Moleko bengatholakali bangakhethwanga ngenxa yozinto ezithinta umndeni.
Ku-Group B, i-Mamelodi Sundowns ebibukeka ingenakunqotshwa iba yiqembu lokuqala eliphumelele ukungena kuma-quarterfinal e-CAF Champions League – ngemidlalo emibili eselengemuva kokushaya i-TP Mazembe ngamagoli amabili kwelilodwa ngoMgqibelo e-Lubumbashi.
Amagoli kaPeter Shalulile noLyle Lakay anikeze ama-Brazilians ukunqoba, kwathi umakadebona uTresor Mputu washayela i-TP Mazembe igoli.
Ompetha bangowezi-2016 baqophe umlando ngokuba yiqembu lokuqala ukushaya i-TP Mazembe ukuhola okungenakuphikiswa phezulu ku-Group B.
Umthombo wesithombe: @kaizerChiefs