Lubhalwe nguDylan Bettencourt
Umhleli wezemidlalo
Impela iWestern Province ihlule amaBlue Bulls ngesonto eledlule kodwa lokho kungase kungenzeki kuleli sonto.
➤ Yebo kunzima ukukholwa ukuthi umdlalo ozobe uphakathi kwamaBulls neStormers ngoMgqibelo ngeke uvune iStormers, kodwa impungushe endala ehlakaniphile umqeqeshi uJake White waziwa ngokuhlulwa emidlalweni engabalulekile nokuwina imidlalo ebalulekile. Kodwa-ke, ngokwe-United Rugby Championship lona umdlalo obaluleke kakhulu. Ngabe amaBulls azokwazi ukuwina?
KuStormers u-Evan Roos kufanele akhiphe lonke ijubane kanti noDeon Fourie ozoba ingqwele yamaBhokobhoko ngelinye ilanga usekulungele ukudlala. Uma sikhuluma ngejubane eliphelele nezingqalabutho zakusasa uSacha Mngomezulu uzobe ekhona.
Kuthiwani ngomqhudelwano phakathi kukaKurt-Lee Arendse no-Damian Willemse? Ingabe uWillemse angamisa u-Arendse wamaBulls?
Lokhu sizokuthola ngoMgqibelo ngo 3.30 ntambama.
Uma ukholelwa ezimangalisweni manje isikhathi sokuthi uqale ukuthandaza. Uma sikhuluma iqiniso isimangaliso kuphela esingahlenga amaSharks uma esebhekene ne-Leinster e-Dublin.
AmaSharks azobe engaphansi kwengcindezi njengoba lizobe lina futhi kuzobe kubanda kakhulu kodwa i-Leinster izobe ishisa kakhulu. Sinifisela inhlanhla, maSharks! Ningakhohlwa ukuthi siyanithanda!
Zilungiseleleni umdlalo ozoba ngehora lesithupha ntambama ngoMgqibelo.
➤ I-Currie Cup ingase ingagqami ngenxa ye-URC kodwa imidlalo emithathu yangoMgqibelo kuzomele uyibuke uma unesikhathi.
AmaPumas kuzofanele abuyise ifomu yawo uma esebhekene ne-Griffons (ngo-1 emini) ngemuva kokudlala kabi ebhekene namaLions.
AmaCheetahs kuzomele abe efomini yawo enhle emdlalweni wawo ukuze agcine indawo yawo phezulu kwi-log uma esebhekene neWestern Province (ngo-3 ntambama). AmaBlue Bulls adlala namaSharks ePitoli (ngo-5.05 ntambama). Lindela umdlalo wamagqubu njengoba womabili la maqembu engazange abe nesizini enhle.
Yonke imidlalo yebhola lombhoxo izobukwa bukhoma esiteshini se-DStv 201 no-211.
➤ I-Arsenal ibhekene nolunye uvivinyo olunzima lokuzama ukuhambisana ne-Manchester City eshisayo kule mpelasonto.
I-Arsenal izobhekana nohambo oluya e-Newcastle ngeSonto ngo-5.30 ntambama ngethemba lokuhlala phezulu etafuleni.
I-Manchester City ehola phambili etafuleni izobhekena ne-Leeds United ethembele kuSam Allardyce ukuthi enze isimangaliso nokuthi abagcine emqhudelwaneni ohamba phambili waseNgilandi.
Lo mdlalo uzoqala ngo-4 ntambama ngoMgqibelo.
Umdlalo we-Premier League uzobukwa bukhoma esiteshini se-DStv 203.
➤ I-Formula 1 izobuya ngempelasonto yesibili kulandelana futhi kulokhu ilibangise eMelika emqhudelwaneni we-Miami Grand Prix.
I-Red Bull ibibusa emjahweni wokugcina e-Azerbaijan futhi kunamahlebezi okuthi izoletha ezinye izinto ezintsha kule mpelasonto ngakho-ke, lindela okufanayo.
Lungisa isiphuzo esinamandla (mhlawumbe i-Red Bull) njengoba umjaho uzoqala ngehora leshumi ebusuku ngeSonto.
Yonke imijaho ye-Formula 1 izobukwa bukhoma esiteshini se-DStv 215.
Esithombeni esingenhla: IWestern Province ibhekene neBlue Bulls
Umthombo wesithombe: WP Rugby