Lubhalwe nguDylan Bettencourt
AmaBhokobhoko avule isizini yawo ka-2025 ngokunqoba ngo 54-7, kodwa uRassie Erasmus uthi kusekuningi okufanele kulungiswe eqenjini.
U-Erasmus uxwayise abalandeli ukuthi bangalinge bathatheke wathi i-Italy ishaye i-Namibia ngamaphuzu angu-70, kuzoba nzima ukuyihlula.
AmaBhokobhoko ishaye ama-try ayisishiyagalombili yahlula ama-Barbarians ngo 54-7 emdlalweni wawo wokuqala ka-2025. Kodwa umqeqeshi uRassie Erasmus ubengekho esimweni sokujabula ngemuva komdlalo eKapa.
“Ngijabule ngokuwina,” esho, “kodwa kuningi okumele sikulungise.”
Lo mdlalo ube yithuba lokunikeza isikhathi somdlalo kubadlali abebenesikhathi eside bengadlali, kanti u-Erasmus uthe abanye banemidlalo embalwa kakhulu. Uthe kubalulekile ukubakhipha enkundleni.
U-Erasmus uthe isimo esimanzi senza izinto zibe nzima kuma-Barbarians asebezilolonge ndawonye izikhawu ezimbalwa. Kodwa ujabule ukuthi umdlalo uvivinye ikhono lama-Boks lokuhlala ehlelekile.
Uvumile ukuthi badlale ngokwedlulele esiwombeni sokuqala kodwa benze izinguquko ezibalulekile ngesikhathi kuyiwa ekhefini. “Kube yisipiliyoni esihle sokufunda emvuleni,” esho.
Manje iqembu lizogxila ochungechungeni lwemidlalo emithathu yasekhaya. Bazodlala ne-Italy kabili ne-Georgia kanye.
U-Erasmus uxwayise ngokuthi i-Italy ayiyona into yokudlala. Ukhumbuze wonke umuntu ukuthi i-Italy isanda kubhaxabula i-Namibia ngamaphuzu angu-70.
“Ukube isimo sezulu besinganeghu,” engeza, “besingawaqeda amanye amathuba ethu okuhlasela.”
Esithombeni esingenhla: AmaBhokobhoko ephakamisa indebe ye-Qatar Airways.
Umthombo wesithombe: @Springboks