AmaBhokobhoko azobhekene ne-Georgia

Timmy T Maranda

Ompetha beNdebe Yomhlaba ebholeni lombhoxo bebesamile ekudlaleni noma yimiphi imidlalo yokuhlolwa selokhu banqoba le ndebe e-Japan ngoNhlangulana ngowezi-2019.

Yize i-Georgia ingeke ithathwe njengokuncintisana okukhulu, uMqondisi we-Rugby waseNingizimu Afrika, uRassie Erasmus, usajabule ngochungechunge lwemidlalo emibili ne-Georgia eNingizimu Afrika ngaphambi kokuhambela i-Britain kanye ne-Irish Lions.

“Ayikho into ehlula owomhlaba wonke ukuze uvivinye ikhono lakho, ukulungela kanye nekhono lakho lokudlala ngaphansi kwengcindezi,” kusho u-Erasmus ngesikhathi ekhuluma nabezindaba.

Lo mqeqeshi uzobe ephethe okokuqala ngempelasonto yomhla zimbili kuNtulikazi, kanti umdlalo wesibili uzobanjwa ngempelasonto elandelayo. Izinsuku eziqondile zomdlalo, izindawo nezikhathi zokuqalisa umdlalo zisazomenyezelwa.

U-Erasmus uthe uJacques Nienaber, ithimba lakhe labaqeqeshi nabaphathi bebelokhu besebenza kanzima ukuze iqembu lizilungiselele.

“Lolu chungechunge lusinikeza ithuba lokuthi sisebenze kahle ngemuva kokuyekiswa ukudlala isikhathi eside kangaka,” esho.

Umqeqeshi waMabhokobhoko uJacques Nienaber uthe ujabulile ngethemba lokudlala umbhoxo wamazwe omhlaba ngemuva kwekhefu elide ngenxa yalolu bhubhane.

“Ukuqinisekiswa kwemidlalo yase-Georgia nokumenyezelwa kwesikwati se-British & Irish Lions kudale isasasa elikhulu. Nginesiqiniseko sokuthi lokhu kuzobaphakamisa abadlali,” esho.

“Manje sesingasheshisa amalungiselelo ethu okubuyela emdlalweni wombhoxo.”

Umthombo wesithombe: @Springboks