Lubhalwe nguRazeen Gutta
U-Aiden Markram wenze kahle kakhulu njengoba ebuyele kuma-Test eqembu lama-Proteas nge-century ngesikhathi bebhekene ne-West Indies ngoLwesibili.
Elakuleli linqobe i-toss lakhetha ukushaya ibhola ngosuku lokuqala emdlalweni wokuqala kwemibili yama-test ekhaya.
Owayengukaputeni uDean Elgar uthole amaphuzu angu-71 emabholeni angu-118 ngaphambi kokuthi akhishwe u-Alzarri Joseph, kanti uMarkram uhlale phakathi nama-overs angaphezu kuka-60 kumaphuzu angu-115 ku-174. Ama-innings akhe aphinde aqedwa ngu-Joseph.
UTony de Zorzi odlale okokuqala ngqa uthole amaphuzu angu-28 kwathi ukaputeni omusha uTemba Bavuma wavalelwa umlenze ngaphambi kokuthi ashaye igoli.
Kube iwikhethi kaMarkram elungise indlela yalaba abaphosayo be-Windies njengoba bethola amaphuzu besuka ku-236/4 baya ku-300/8 phakathi kwama-overs angu-61 no-80.
UJoseph nguyena oqokwe kwabaphosayo ngo-3/60 kwathi u-uKemar Roach, uKyle Mayers, uShannon Gabriel noJason Holder bonke bathola iwikhethi umuntu ngamunye.
Ama-Proteas azokholwa nakanjani ukuthi usuku belungolwabo njengoba eqede ngo-314/8.
Isithombe esingenhla: U-Aiden Markram
Umthombo wesithombe: @proteasmencsa