Razeen Gutta
Iqembu laseNingizimu Afrika lekhilikithi labesifazane lishaye i-West Indies ngamawikhethi ayisithupha enkundleni yezemidlalo i-Imperial Wanderers yawina uchungechunge lwemidlalo emine ngo 2-1.
Ngemuva kokuhlulwa yi-ODI yokuqala, eyesibili ishaywe kahle lapho okuwine khona i-West Indies ngendlela emangazayo. Ama-Proteas abuye kahle emdlalweni wesithathu, ukuze enze isinqumo esijabulisayo ngololu chungechunge.
Lo bekumdlalo wesibili wonyaka wokugubha i-Black Day ODI okuwuhlelo olusungulwe i-Cricket South Africa ukuqwashisa ngenhlupheko edalwa udlame olubhekiswe kwabesifazane nezingane.
I-West Indies iwine i-toss futhi yakhetha ukushaya kuqala. Bakwazile ukushaya amaphuzu angu-175 kuphela ebhodini ngemuva komdlalo omangalisayo kaShabnim Ismail. Umdlali oyi-right arm pacer uthole amawikhethi amane futhi waqeda enamanani angu-4/44 kuma-overs akhe angu-10.
Osokhaya baphume ngokuzethemba nenduku yokushaya futhi bajahe igoli phakathi kwama-overs angu-40, njengoba u-Andrie Steyn ethole (angu-52 kwangu-73) kanye nokaputeni uSune Luus othole (angu-47 kwangu-80), yibona abashaye amagoli aphezulu.
Manje sekuzogxilwa kwiNdebe Yomhlaba Yabesifazane ye-ICC yango-2022 e-New Zealand. Umqhudelwano uzoqala ngomhlaka-3 kuNdasa kanti ama-Proteas asenaso isikwati azohamba ngaso.
.
