Lubhalwe nguLucky Vince Pienaar
Esontweni eledlule bekubukeka sengathi amaBhokobhoko azokhipha iqembu elihamba phambili emlandweni wawo, kodwa izinkinga zokulimala zifake ingcindezi kubadlali abancane, ikakhulukazi abadlali abadlala phambili.
Ngisho no-Eben Etzebeth usejoyine uhlu olukhulayo lwabadlali abaqinile abangeke badlale ne-All Blacks ngoMgqibelo.
Uma umqeqeshi omkhulu uDeon Davids ekhathazekile ngalesi simo, akakhombisanga neze ngesikhathi kunesithangami sabezindaba sangoMsombuluko.
“Ukulahlekelwa ngabadlali abadala kudala izikhala, kodwa futhi kudala amathuba kubadlali abancane,” usho kanje.
“Asingabazi ukuthi abadlali abafana noRuan Nortje noBen-Jason Dixon bazowumela lo msebenzi.
Ukuma kweqembu kuwudaba olubalulekile olusobala. Ezinsukwini ngaphambi kokuhlolwa e-Emirates Ellis Park, abanye abantu baphakamise ukuthi uPieter-Steph du Toit kungenzeka abe yi-flank ehamba phambili emhlabeni, kodwa bambalwa abakholelwa ukuthi uhamba phambili.
Ukudlalisa umuntu endawe endaweni okungesiyo eyakhe, kuwumdlalo wokugembula, futhi lokhu kungase kube njalo ngoDu Toit noma mhlawumbe kubonisa ukuthi abaqeqeshi abaqinisekisile ngokuthi abadlali abakhona bangawenza umsebenzi abanikwe wona.
Eqinisweni, uPieter-Steph njengoba engumdlali omkhulu, akayena u-Eben Etzebeth. Ngokunjalo, uBen-Jason Dixon wehlukile kuPieter-Steph. Kodwa-ke, abaqeqeshi bamaBhokobhoko bazobe sebekunakile lokho.
Ngenhlanhla uma ukuzinza ezigabeni eziqinile kuyinkinga, kulula okunye. Kunzima ukucabanga ukuthi kukhona umuntu ongaphatha uNche, uMbonambi, noMalherbe.
Okunzima amaBoks akanaye umdlali ozovala isikhala uma kukhona okwenzeka kumdlali wasemuva u-Aphelele Fassie. Ungase uthi akayena uWillie le Roux, kodwa uma kufanele kungene uPollard ozovala isikhala sikaFassie, uSasha Feinberg-Mngomezulu kuzomele abuyele emuva. Uma kungenjalo, kungaba nobunzima emuva.
Amabhokobhoko asemuva: (15) Aphelele Fassi, (14) uCheslin Kolbe, (13) uJesse Kriel, (12) uDamian de Allende, (11) uKurt-Lee Arendse, (10) uSacha Feinberg-Mngomezulu,(9) uCobus Reinach,
Abaphambili: (8) uJasper Wiese, (7) uBen-Jason Dixon, (6)Siya Kolisi (c), (5) uRuan Nortje, (4) uPieter-Steph du Toit, (3) uFrans Malherbe, (2) uBongi Mbonambi, (1) u-Ox Nche.
Abasebhentshini: (16) uMalcolm Marx, (17) uGerhard Steenekamp, (18) uVincent Koch, (19) uMarco van Staden,(20) u-Elrigh Louw, (21) uKwagga Smith, (22) uGrant Williams, (23) uHandre Pollard.
Isithombe esingenhla: AmaBhokobhoko eziqeqesha.
Umthombo: Springboks/X