Izelamani zakwaNdimande, uSiyabonga (29) noMalusi (28) ezisolwa ngokuba nesandla ekubulaweni komrepha waseNingizimu Afrika uKiernan “AKA” Forbes nowayeyimenenja yakhe, uTebello “Tibz” Motsoane, zizobuyiselwa eNingizimu Afrika.
NgoLwesihlanu izelamani zivele eNkantolo Yesifunda saseManzini, Eswatini, lapho iMantshi uDavid Khumalo igunyaze isicelo seNingizimu Afrika sokuba babuyiselwe kuleli.
UKhumalo uthe: “Ubufakazi obunikeziwe buyisizathu esanele sokubabuyisela kuleli.”
Lezi zelamani zibhekene namacala ahlobene necala lokubulala uForbes noMotsoane, okubalwa elokwakha itulo lokubulala, elokubulala, ukutholakala nezibhamu nezinhlamvu ezingekho emthethweni.
UForbes noMotsoane badutshulwa babulawa ngaphandle kwendawo yokudlela esesivaliwe eThekwini ebizwa nge-Wish ngomhlaka-10 kuNhlolanja ka-2023.
Luhlanganiswe ngumbhali we-Stuff
Esithombeni ngenhla: izelamani zakwaNdimande.
Umthombo: X