AbaseNingizimu Afrika bavele kuvidiyo entsha yomculo kaChris Brown

Lubhalwe nguRorisang Modiba

  • Abalandeli bakuleli bazibone kumavidiyo ekhonsathi kaChris Brown ebigcwele phama eFNB Stadium.
  • Izinkumbi zabantu baseNingizimu Afrika zibonakale kakhulu kuvidiyo yesihlabani saseMelika engomeni ethi ‘Residuals’ ngemuva kwamakhonsathi aso angoZibandlela.

Abalandeli baseNingizimu Afrika bakujabulele ukuzibona bekwividiyo yomculo yakamuva yomculi waseMelika uChris Brown.

Lesi sihlabani sisebenzise izithombe zamakhonsathi aso kaZibandlela eFNB Stadium eGoli engomeni yaso entsha ethi “Residuals”.

UBrown ugcwalise inkundla yezemidlalo enkulukazi e-Afrika ubusuku obubili bulandelana, futhi manje lezo zihlwele ezijabule seziyingxenye yevidiyo yakhe esemthethweni.

Abalandeli bangene ezinkundleni zokuxhumana ukuze babelane ngenjabulo yabo ngokuzibona bona nabangani ezithombeni.

“Kwezinye izindaba zaseNingizimu Afrika, uChris Brown us’fake kwividiyo yakhe yomculo ethi “Residuals”, siphumelele,” kubhala omunye umlandeli ku-X. 

Le vidiyo, efakwe ekhasini likaBrown ku-Instagram, isibukwe izikhathi ezingaphezu kwezigidi ezingu-11.

“Uqonde ukungitshela ukuthi ngikwividiyo yomculo ye-Residuals,” kuphawula omunye umbukeli owayejabule.

“Kukhona okuthile ngawe uma ucula le ngoma,” kubhala omunye umlandeli.

Esithombeni esingenhla: UChris Brown.

Umthombo: Instagram

Izihloko zakamuva