Lubhalwe nguRazeen Gutta
I-Scrolla.Africa sikhetha abadlali abangu-11 abasihlabe umxhwele kakhulu emqhudelwaneni weNdebe yoMhlaba ye-Fifa e-Qatar.
Unozinti – uDominik Livakovic (wase-Croatia)
Phakathi kwakho konke siqoke unozinti wase-Croatia. ULivakovic ugcine ifomu yakhe esimeni futhi usize izwe lakhe ukuthi liwine kabili kumapenalthi – okuhlanganisa ukuwina okungasoze sakukhohlwa ngesikhathi behlula i-Brazil kowe-quarter-final.
Odlala emuva kwesokudla — u-Achraf Hakimi (wase-Morocco)
Umdlali wasemuva we-PSG ubengumdlali wase-Morocca ovelele e-Qatar, washiya izinkumbulo ezithile ezithinta imizwa nezihambisana nokudlala kahle kwakhe enkundleni.
Odlala maphakathi emuva – uJosko Gvardiol (wase-Croatia)
Akungangabazeki ukuthi lo mdlali (20) obezifihle ubuso e-Qatar uzoba ngomunye okufanele abhekwe. Igoli alishaye bebhekene ne-Morocco ngesikhathi kukhahlelwa amaphenalthi lizoba umklomelo omfanele ngemuva kokusiza i-Croatia ukuthi iqede endaweni yesithathu kweyoMhlaba.
Odlala maphakathi emuva- uHarry Maguire (waseNgilandi)
Ukudlala ngokuzimisela nokungavumeli izimbangi ukuthi zishaye amagoli emidlalweni emihlanu kulandele isizini embi eqenjini le-Manchester United nakuMaguire. Lo mdlali wasemuva weNgilandi ubonise izimfanelo zakhe zobuholi futhi ubonise isigaba sangempela sokudlala ngaphansi kwengcindezi enkulu kakhulu.
Odlala kwesokunxele emuva – uMarcos Acuna (wase-Argentina)
U-Acuna ubedlala emuva naphambili ngokulinganayo nokuyinto emenze omunye wabadlali abavelele osize kakhulu ekutheni i-Argentina iwine iNdebe.
Odlala maphakathi – u-Enzo Fernandez (wase-Argentina)
Lo mdlali omncane emqhudelwaneni usevele wabhekwe ngabomvu njengoba amaqembu ase-Europe ebheke ukulwela ukumsayinisa. UFernandez akaphuthelwanga ngisho nawumzuzu owodwa ezigabeni zokuphuma kulo mqhudelwano.
Odlala maphakathi – uSofyan Amrabat (wase-Morocco)
Iphupho lase-Afrika lifezwe umdlali we-Fiorentina. Ukuzotha kwakhe ekubambeni ibhola nokungabi novalo ngesikhathi ebhekene nenselelo kusho ukuthi i-Morocco ibingaqopha umlando e-Qatar.
Odlala maphakathi – uJude Bellingham (waseNgilandi)
Lo mdlali (19) ngokungangabazeki uyena osemusha omangaze abaningi kweyoMhlaba yakulo nyaka. Lo mdlali we-Borussia Dortmund nguyena obebukwa kakhulu njalo uma iNgilandi idlala.
Odlala ophikweni kwesokudla – uLionel Messi (wase-Argentina)
Yini enye esazoshiwo? UMessi ubezoba ukaputeni weqembu lethu lokugcina ngemuva kokuwinela i-Argentina iNdebe yoMhlaba yokuqala ngomlingo wakhe.
Odlala phambili maphakathi u-Richarlison (wase-Brazil)
Lo mdlali we-Tottenham Hotspur ushaye i-bicycle kick ngesikhathi bebhekene ne-Serbia waphinde washaya amanye amagoli amabili kulo mqhudelwano ngesikhathi ephuma phambili futhi edumisa ijezi lakhe le-Brazil lenombolo yesishiyagalolunye.
Odlala ophikweni lwesokunxele – uKylian Mbappe (wase-France)
Amagoli akhe amathathu kowamanqamu alandele amagoli amahlanu omqhudelwano njengoba lo mdlali (23) enze konke okusemandleni akhe ukuthi awine indondo ye-golden boot nokuthi athole indondo yesiliva e-Qatar.
Esithombeni esingenhla: ULionel Messi
Umthombo wesithombe: @FifaWorldCup