Abalandeli bakaZuma baqale umkhankaso ku-Twitter

Zukile Majova

Umshikashika wokulwa nokulawulwa kwe-ANC awuhambanga kahle ezinkundleni zokuxhumana ngempelasonto ngesikhathi abalandeli balowo owayengumengameli wezwe uJacob Zuma bethula umkhankaso ongenalo ulwazi oluphelele.

Iqembu le-ANC eliholwa nguZuma kanye nonobhala weqembu U-Ace Magashule bangaphansi kwengcindezi enkulu yokuba semthethweni ngemuva kokuba iningi labaholi balo lithinteke ezinhlelweni ezahlukahlukene zokuphanga ngokulalelwa kwamacala aqhubekayo kwiKhomishini Yokulawulwa Kombuso Yindlanzana.

Ukweqa kukaZuma umyalelo weNkantolo yoMthethosisekelo wokunikeza ubufakazi phambi kweKhomishini kaZondo kudidise abanye babalandeli bakhe abazinikele emagatsheni e-ANC.

UMagashule uphinde wahlabeka umxhwele ngesikhathi i-NPA ikhombisa ukuthi unecala eliqinile abhekene nalo okuholele ekutheni leli cala lisuswe eNkantolo yeMantshi yase-Bloemfontein liyiswe eNkantolo eNkulu namanye amacala afakwa ephepheni.

Unobhala we-ANC wathinteka kuthenda yezigidi ezingama-R255 eyaba nempikiswano e-Free State ngesikhathi enguNdunankulu waleso sifundazwe.

Ngokufulathela kwabo udonga abakwaZupta baqale umkhankaso wabo wokukhipha imininingwane engaqondakali ngokuhlasela owayenguMengameli wezwe uThabo Mbeki ngaphansi kweshloko esithi #UMbeki kanye nama #ARVs abathi kungukuhlakanipha kukaZuma ukuthi izwe likhiphe ama-ARV ezigidini zabantu abanesandulela ngculazi.

Esinye isihloko besithi #UmengameliUZumaWasifundisaIshawa. UZuma enconywa njengomqondisi omkhulu kwezepolitiki kanye nomuntu wabantu.

Kulolu chungechunge, iphepha lenqubomgomo elinqatshwe yi-ANC elibizwa nge-Radical Economic Transformation, okwakumqondo kaZuma kanye nendlela engcono yokukhipha izigidi zabamnyama enhluphekweni.

Impi ishube kakhulu ezinkundleni zokuxhumana njengoba abalandeli beqembu elimelene noZuma bephendula bethi #SihlukumezekileNgaphansiKukaZuma ngesikhathi abakwaZupta beqhubeka bethi- #YekaniUkuqambaAmangaNgoZuma

Indodakazi kaZuma uDudu Zuma-Sambudla ubonakale emele izifiso zikayise kulo mlenze womkhankaso.

Izolo kusihlwa ubhale ku-Twitter isitatimende esivela kuJacob Zuma Foundation wathi: “Egameni lomphathi weJG Zuma Foundation, ngithanda ukuthatha leli thuba ukubonga bonke abantu ababelane ngobufakazi babo obuthinta inhliziyo ezinkundleni zokuxhumana ezehlukene ngokuthi basizwe yiJG Zuma Foundation nezinhlelo zikaHulumeni ukwenza ngcono izimpilo zabo futhi babe nethuba lekusasa elingcono.

“Kube yintokozo ukufunda ama-tweets enu amaningi njengalena ebithi #NgizuzeOkuningiNgoZuma.”

Isihloko sokgcina ebisihamba phambili ku-Twitter ngeSonto ebusuku esithi #DedelaniIzitatimendeZikaNDZ befuna ukuthi uNkosazana Dlamini-Zuma adalule ukuthi bangobani abaxhasi bakhe bengqungquthela ye-ANC eyenzeka e-Nasrec ngowe-2017.

Umthombo wesithombe: @Magashule_ace