Dylan Bettencourt
Abakwa-Eskom baphenya ngokuqhuma kwe-generator engu-Unit 4 e-Medupi Power Station e-Lephalale okwenzeke ngeSonto ebusuku ngabo-10.50 ebusuku. Ukuqhuma kudale ukuthi i-Unit 5 imosheke.
Abakwa-Eskom bathe: “i-Unit 4 ibinenkinga yesikhashana kusukela ngeSonto mhla ziyisithupha kuNcwaba ngesikhathi kwenzeka lesi sigameko, futhi wonke umsebenzi walolu phiko wamiswa ngokushesha. Lokhu kufaka phakathi ukumiswa kwazo zonke izimvume zokusebenza kulesi sikhungo kuze kube wukuthi kukhishwa imiyalelo ethile”.
Abakwa-Eskom, okuwukuphela kwabahlinzeki bakagesi baseNingizimu Afrika, bathe uma le ndawo isivikelekile futhi igunyazwa umphathi wezicishamlilo kuzobe sekuqala ukuhlolwa konjiniyela ukuphenya imbangela yalesi sigameko kanye nomonakalo odalekile.
Abakwa-Eskom baqhubekile nokuthatha izinyathelo zokubuyisela i-Medupi Unit 5 ngokugcwele ngemuva kokuqhuma.
Baphetha ngokuthi: “Uphenyo luyaqhubeka ngembangela yalesi sigameko kanti abakwa-Eskom bazokwazisa umphakathi ngokwenzekayo, nokuthi lesi sigameko sizowuthinta kangakanani ugesi kazwelonke”.
Umthombo wesithombe: @ Knysna-Platt Herald