Abadlwenguli bezingane kumele bathenwe bese bebulawa

Izwe lase-Nigeria esiFundazweni saseKaduna liphasise umthetho omusha wokujezisa abadlwenguli bezingane ngokuthenwa nokubulawa.

Amadoda atholwa enecala lokudlwengula izingane ezineminyaka engaphansi kweyi-14 azosuswa amasende ngaphambi kokuba abulawe.

Lo mthetho usayinwe kuleli sonto nguNasir El Rufai, umbusi wase-Kaduna, osesithombeni ngenhla. I-Kaduna iseNyakatho nezwe.

Labo abalahlwa ngamacala okudlwengula abantu abaneminyaka engaphezu kweyi-14 bazophinde babhekane nokuthenwa ngaphansi kwalo mthetho omusha, bese kulandela ukudilikelwa yijele.

I-New York Times icaphune uNgqongqoshe wezindaba zabesifazane e-Nigeria ngoZibandlela odlule esho lokhu, ukuthi abesifazane namantombazane abayizigidi ezimbili badlwengulwa ezweni minyaka yonke.

NgoNhlangulana wathi lelo nani seliphindaphindwe kabili ngenxa yomvalelo we-coronavirus.