Dylan Bettencourt
Iqembu leBoca Juniors alikuthathanga kahle ukuhlulwa kwabo yi-Atletico Mineiro e-Copa Libertadores.
Ngemuva kokuhlulwa sekukhahlelwa amaphenathi emzuliswaneni wama-16 womqhudelwano, abadlali abavela ohlangothini lwase-Argentina babambana namaphoyisa endawo ngezihluthu njengoba bezama ukulwa nabadlali abaphikisayo.
Lo mdlalo, odlalelwe e-Belo Horizonte e-Brazil, kwagcina ngezigcawu
ezilimazayo nezinesiphithiphithi ngesikhathi abadlali beBoca bezama ukungena egumbini lokugqoka labaphikisi babo.
Amaphoyisa ase-Brazil abezama ukumisa ngokuthula abadlali beBoca ngaphambi kokuqubuka kodlame olunamandla, elaphoqa amaphoyisa ukuthi afafaze abadlali nge-teargas.
Intukuthelo yabase-Argentina kubonakala sengathi ibisuselwa kwigoli elingavunywanga, ngemuva kokuthi i-Video Assistant Referee (i-VAR) ikhiphe isinqumo esaphikisana negoli ababona sengathi lisemthethweni.
Umdlalo uphele ngo 0-0 phezu kwemilenze yomibili yomdlalo, umdlalo waya kumaphenathi ukuze kuqokwe onqobile.
Iqembu lase-Brazil i-Atletico Mineiro ligcine ngokuwina amaphenathi ngo-3-1 ngemuva kwempi ebishubile.
Umdlali wasesiswini weBoca, uDiego Gonzales uthe ubudedengu bukanompempe kubalahlekisela umdlalo: “Ngaphandle kokungabaza, wonke umuntu uyakubona lokho. Sishaye igoli elihle, futhi iqiniso ukuthi besikufanele ukuwina umdlalo wokuqala. Lokhu kubuhlungu, siphatheke kabi. I-CONMEBOL idinga ukuhlola onompempe.” I-CONMEBOL yiNhlangano Yezemidlalo YaseNingizimu Melika.
Izigcawu ezimbi ziqhubeke ngemuva kokuxabana njengoba abadlali beBoca becekela phansi abebengakuthola enkundleni, badala umonakalo omkhulu nasegumbini labo lokugqoka.
Bayisishiyagalombili sebebonke kubalwa abadlali nabasebenzi asebeboshwe ngamaphoyisa ase-Brazil.
Umthombo wesithombe: @talkSPORT