Lubhalwe nguMichael Madyira
Umqeqeshi weBafana Bafana Cosafa Cup, uHelman Mkhalele ushiye ngaphandle amagama amakhulu eqenjini lakhe labadlali abangu-23 abazodlala kulo mqhudelwano wesifunda esinamazwe ayishumi nesithupha.
INingizimu Afrika izosingatha umqhudelwano eGqeberha kusukela ngomhlaka-26 kuNhlangulana kuya kumhlaka-7 kuNtulikazi. IBafana izobe iku-Group A neBotswana, Eswatini, neMozambique.
Ngemuva kokuqoka izihlabani ezifana noRelebohile Mofokeng, uThalente Mbatha, uThabiso Monyane, uThabiso Sesane, nonozinti uMelusi Buthelezi noSipho Chaine, uMkhalele ulaxaze zonke izihlabani zamaBhakabhaka.
Abadlali abathathu beKaizer Chiefs uBruce Bvuma, uSamkelo Zwane, noMduduzi Shabalala nabo abaqokwanga ngemuva kokuvela esikwatini sesikhashana.
Abadlali abakhulu beMamelodi Sundowns abafana noZuko Mdunyelwa, uLesiba Nku noSiyabonga Mabena nabo bahoxisiwe.
Onozinti abangenayo uMondli Mpoto noSamukelo Xulu weSuperSport abakaze bangene esigabeni sokuqala.
UThabang Sibanyoni obolekiswe kuSundowns nomdlali wasesiswini weChippa United uSinoxolo Kwayiba nabo bebengekho eqenjini lesikhashana labadlali abangu-50 kodwa bangene esikwatini sokugcina.
IStellenbosch iphethe izintambo eqenjini likaMhkalele ngabadlali abane uThabo Moloisane, u-Antonio van Wyk, uDevin Titus no-Athenkosi Mcaba.
IBafana izophusha isicoco sesithupha seCosafa Cup bese iqala umkhankaso wayo neMozambique ngoLwesithathu.
Abadlali bakaMkhalele bazobe befuna ukuhlonishwa ngendlela u-Iqraam Rayners adlale ngayo kulo mqhudelwano ngonyaka odlule ukuze aqinise unyawo lwakhe kuHugo Broos.
Isithombe esingenhla: Isihlabani se-Orlando Pirates uRelebohile Mofokeng ephakanyiswa ukaputeni weBafana Bafana uRonwen Williams.
Umthombo wesithombe: uBafana Bafana