Ababhikishi base-Nigeria bancenge uhulumeni ukuba avale uphiko lwamaphoyisa olunonya

Enye indoda idutshulwe ngamaphoyisa yashona ngoMgqibelo ngenkathi izinkulungwane zabantu ziqhubeka nombhikisho omayelana nesihluku esenziwa ngamaphoyisa.

Ababhikishi bamemezela ukuba kukhishwe uphiko lwamaphoyisa olunodumo olubi olubizwa nge-Federal Special Anti-Robbery (FSARS).

Imibhikisho isebenzile – ngeSonto, uMengameli uMuhammadu Buhari uthe uzoluvala lolo phiko

Isisusa sombhikisho sibangelwe ukwedlula emhlabeni kwendoda encane ngeviki eledlule esifundeni sase-Delta.

Amaphoyisa akulolu phiko athweswe icala lokubulala, ukuphanga, ukuhlukumeza, ukuhlasela kanye namanye amacala ngabantu base-Nigeria.

Abaningi baye ezinkundleni zokuxhumana ukuyoxoxa indaba yabo ngaphansi kwe-hashtag ethi #EndSARS.

Izishoshovu zithi zifuna ukuthi lolu phiko olunodumo olubi luvalwe.

Indoda, uJimoh Isiaka, udutshulwe washona ngenkathi esembhikishweni  ngoMgqibelo e-Ogbomoso esifundeni sase-Oyo.

Lezi zibonakaliso ezinokuthula  zigqugquzelwe ngumnyakazo wokuthi izimpilo zabantu abamnyama zibalulekile eMelika uye wabanjwa emadolobheni amakhulu ezweni lonke.

Abanye osaziwayo abakhulu ezweni kubalwa uTiwa Savage kanye nabalingisi bakwi-Nollywood baye baphuma ngobuningi babo ukuzo kweseka lesi senzo.